Politika e
Privatësisë

Zell është ndërtuar si një aplikacion «local-first» (së pari lokal). Kjo do të thotë se gjithçka që të nevojitet — Kurani, duatë, hadithet, librat, artikujt dhe kohët e namazit — ruhet dhe funksionon drejtpërdrejt në pajisjen tënde, edhe pa lidhje interneti.

Për ta përdorur Zell nuk ke nevojë për një llogari. Krijimi i një llogarie dhe sinkronizimi i të dhënave janë plotësisht opsionale. Nëse vendos të mos regjistrohesh, të dhënat e tua nuk largohen kurrë nga pajisja jote nëpërmjet shërbimeve tona.

Pa një llogari, të dhënat e mëposhtme krijohen dhe ruhen ekskluzivisht në pajisjen tënde dhe nuk na dërgohen ne:

• Përmbajtja e shkarkuar për përdorim offline (libra, artikuj, video, dua).
• Të preferuarat, faqeshënuesit (bookmarks), nënvizimet dhe shënimet e tua, si dhe raftet (shelves) që krijon vetë.
• Progresi i leximit dhe historiku brenda aplikacionit.
• Preferencat e aplikacionit (gjuha, tema, cilësimet e njoftimeve).
• Vendndodhja e përdorur për të llogaritur kohët e namazit (shih seksionin 6).

Nëse e çinstalon aplikacionin pa pasur një llogari, këto të dhëna fshihen bashkë me të dhe nuk mund të rikuperohen.

Mund të krijosh një llogari nëse dëshiron të ruash dhe të sinkronizosh të dhënat e tua midis pajisjeve. Kur regjistrohesh, mbledhim dhe ruajmë:

• Adresën e email-it — për të identifikuar llogarinë, për hyrjen dhe për komunikime thelbësore (p.sh. rivendosja e fjalëkalimit ose njoftimet për fshirjen e llogarisë).
• Fjalëkalimin — i cili ruhet gjithmonë i koduar (hash) dhe asnjëherë në tekst të thjeshtë. As ne nuk kemi mundësi ta lexojmë.
• Emrin e shfaqjes (display name) — opsional, sipas dëshirës tënde.
• Data të lidhura me llogarinë — koha e regjistrimit, e hyrjes së fundit dhe e aktivitetit të fundit.

Nuk kërkojmë dhe nuk mbledhim më shumë se kaq për krijimin e një llogarie. Llogaria mund të fshihet plotësisht në çdo moment — shih seksionin 11.

Kur ke një llogari, aplikacioni mund të sinkronizojë biblioteken tënde personale me serverët tanë, që ti ta gjesh atë në çdo pajisje ku je i kyçur. Të dhënat që sinkronizohen janë:

• Të preferuarat dhe statusi i librave.
• Faqeshënuesit, nënvizimet dhe shënimet e tua.
• Raftet (shelves) që ke krijuar dhe organizimi i tyre.

Sinkronizimi është i orientuar nga puna offline: ti vazhdon të punosh edhe pa internet dhe ndryshimet ngarkohen kur lidhja rikthehet. Këto të dhëna lidhen me llogarinë tënde dhe përdoren vetëmpër t'i ofruar shërbimin e sinkronizimit. Ne nuk i shesim dhe nuk i ndajmë me palë të treta për qëllime marketingu.

Komunikimi midis aplikacionit dhe serverëve tanë mbrohet me disa shtresa:

• I gjithë trafiku kalon i koduar nëpërmjet HTTPS.
• Përdorim Firebase App Check për të verifikuar se kërkesat vijnë vërtet nga aplikacioni zyrtar Zell dhe jo nga burime të paautorizuara. Ky proces mund të përpunojë një token vërtetimi të pajisjes nëpërmjet Firebase (Google).
• Pas hyrjes, llogaria jote mbrohet me token-a të aksesit me kohë të kufizuar dhe me token-a rifreskimi që ruhen në mënyrë të sigurt.

Për të llogaritur kohët e sakta të namazit, aplikacioni ka nevojë të dijë vendndodhjen tënde të përafërt. Vendndodhja përdoret për llogaritjen e kohëve dhe nuk ruhet nga ne në formën e një historiku lëvizjeje.

Faqja jonë e internetit mund të kërkojë vendndodhjen e shfletuesit tënd vetëm për të shfaqur kohët e namazit; nëse nuk e jep lejen, përdoret një vendndodhje e parazgjedhur. Lejen për vendndodhjen mund ta tërheqësh në çdo kohë nga cilësimet e pajisjes ose të shfletuesit.

Nëse i pranon njoftimet, përdorim Firebase Cloud Messaging (FCM) për të dërguar njoftime — për shembull, përmbajtje e re, dua e ditës ose lajmërime. Për këtë, pajisjes tënde i caktohet një identifikues njoftimi nga shërbimi FCM.

Njoftimet mund t'i çaktivizosh në çdo kohë nga cilësimet e aplikacionit ose të pajisjes, pa ndikuar në funksionet e tjera.

Zell mbështetet në një numër të kufizuar shërbimesh të jashtme, vetëm aty ku është e nevojshme për funksionimin:

• Firebase (Google) — për App Check (siguria e kërkesave) dhe Cloud Messaging (njoftimet push).
• Ofruesi ynë i email-it — për të dërguar email-e thelbësore të llogarisë, si rivendosja e fjalëkalimit dhe njoftimet për fshirjen e llogarisë.

Nuk përdorim rrjete reklamash dhe nuk i shesim të dhënat e tua personale askujt.

Disa nga këta ofrues (si Google/Firebase) mund t'i përpunojnë të dhënat në serverë jashtë Shqipërisë ose Hapësirës Ekonomike Evropiane (HEE). Kur ndodh kjo, transferimi mbulohet nga masa të përshtatshme mbrojtëse, si Klauzolat Standarde Kontraktore të Komisionit Evropian.

Të dhënat personale i përpunojmë vetëm kur kemi një bazë ligjore për këtë, sipas Rregullores së Përgjithshme për Mbrojtjen e të Dhënave (GDPR) dhe legjislacionit shqiptar për mbrojtjen e të dhënave personale:

• Përmbushja e një kontrate (Neni 6(1)(b)) — përpunimi i email-it, fjalëkalimit, emrit të shfaqjes dhe të dhënave të sinkronizuara të bibliotekës është i nevojshëm për të ofruar shërbimin e llogarisë dhe të sinkronizimit që ke kërkuar. Pa këto të dhëna nuk mund të ofrojmë sinkronizimin midis pajisjeve.
• Pëlqimi (Neni 6(1)(a)) — veçoritë opsionale, si njoftimet push dhe kohët e namazit sipas vendndodhjes, bazohen në pëlqimin tënd, të cilin mund ta tërheqësh në çdo kohë pa ndikuar te funksionet e tjera.
• Interesat legjitimë (Neni 6(1)(f)) — mbajtja e shërbimit të sigurt (p.sh. App Check dhe parandalimi i abuzimeve) dhe dërgimi i email-eve thelbësorë të llogarisë bazohen në interesin tonë legjitim për ta operuar Zell në mënyrë të sigurt dhe të besueshme.
• Detyrimi ligjor (Neni 6(1)(c)) — kur jemi të detyruar të ruajmë ose të zbulojmë të dhëna për të përmbushur një detyrim ligjor.

Në përputhje me Rregulloren e Përgjithshme për Mbrojtjen e të Dhënave (GDPR) dhe legjislacionin përkatës, ti ke të drejtë:

• Të kërkosh akses në të dhënat personale që mbajmë për ty.
• Të kërkosh korrigjimin e të dhënave të pasakta.
• Të kërkosh fshirjen e llogarisë dhe të dhënave të tua (e drejta për t'u harruar — Neni 17 i GDPR).
• Të marrësh një kopje të të dhënave të tua në një format të strukturuar dhe të transportueshëm (transportueshmëria e të dhënave — Neni 20 i GDPR).
• Të tërheqësh pëlqimin për njoftimet ose vendndodhjen në çdo kohë.
• Të paraqesësh ankesë pranë autoritetit kompetent për mbrojtjen e të dhënave (në Shqipëri, Komisioneri për të Drejtën e Informimit dhe Mbrojtjen e të Dhënave Personale).

Për të ushtruar këto të drejta, na shkruaj në suport@nextleap.al.

Llogarinë mund ta fshish drejtpërdrejt nga aplikacioni. Procesi është projektuar të jetë i qartë dhe i kthyeshëm brenda një afati:

• Kur kërkon fshirjen, llogaria kalon në gjendjen «e planifikuar për fshirje» dhe fillon një periudhë mospranimi (grace period). Gjatë saj llogaria nuk fshihet ende.
• Të dërgojmë një email konfirmimi me një lidhje me të cilën mund ta anulosh fshirjen pa pasur nevojë të kyçesh.
• Nëse nuk e anulon, në fund të periudhës të dhënat e tua fshihen përfundimisht: biblioteka jote personale, faqeshënuesit, nënvizimet, raftet, njoftimet, token-at e sesionit dhe vetë rekordi i llogarisë.
• Fshirja për shkak mosaktiviteti: nëse një llogari mbetet e papërdorur për një periudhë të gjatë, të dërgojmë paraprakisht një email paralajmërues. Nëse mbetet e papërdorur edhe pas tij, llogaria mund të planifikohet automatikisht për fshirje. Mjafton të hysh në llogari për ta shmangur këtë.

Pas fshirjes përfundimtare, të dhënat nuk mund të rikuperohen.

Për udhëzime hap pas hapi se si ta fshish llogarinë nga aplikacioni, shih faqen Fshirja e Llogarisë.

I mbajmë të dhënat e llogarisë sa kohë llogaria jote është aktive. Pasi fshihet llogaria, të dhënat personale të lidhura me të hiqen siç përshkruhet në seksionin 11. Të dhënat e ruajtura vetëm në pajisjen tënde mbeten nën kontrollin tënd dhe fshihen kur i fshin ti ose kur çinstalon aplikacionin.

Zell është një aplikacion me përmbajtje fetare dhe edukative i përshtatshëm për një audiencë të gjerë. Nuk synojmë të mbledhim me vetëdije të dhëna personale nga fëmijë. Nëse beson se një fëmijë na ka dhënë të dhëna personale, na kontakto dhe ne do t'i fshijmë.

Kjo politikë mund të përditësohet herë pas here për të pasqyruar ndryshime në aplikacion ose në kërkesat ligjore. Versioni më i fundit do të jetë gjithmonë i disponueshëm në këtë faqe, me datën e përditësimit të treguar lart.

Zell operohet nga NextLeap, i cili vepron si kontrollues i të dhënave (data controller) për të dhënat personale të përshkruara në këtë politikë.

Për çdo pyetje në lidhje me privatësinë ose me këtë politikë, ose për të ushtruar të drejtat e tua, mund të na kontaktosh në:

suport@nextleap.al